ــــ م ــــ ر ــــا حــــ ل حياة البنت

السلام عليكم و رحمة الله و بركاته

هلا والله هلا بالغاليين نورتوا الموضوع بوجودكم
بنات لا تزعلون ترا كلها سوالف

************

أولا: مرحلة الولادة

***********
البنت في بطن امها تسووي مشاكل وترفيس وتسوي حركات بهلوانيه وبعدين تولدها امها
وهي تبكي وعلى فكرة صراخ البنت اذا اتولدت يسمعه اللي باخر الدنيا لسانها طويل
من يوم تولد
بعكس الولد اذا طلع من بطن امه يطلع باحترام ومؤدب وبلطافه ماشالله على الشباب.

ثانيا: مرحلة الرضاعة


البنت تتعب والدتها بشكل رهيب والولد في المرحله هذي طيب
وحبوب ويقنع بالقليل والبنت ماتقنع
حتى الحليب البنت تشرط ان يكووون غير شكل اما الولد ماشالله عليه يشرب حتى النيدو




ثالثا: مرحلة الحبو


البنت اذا وصلت مرحلة الحبو لازم تربط رجليها لان البنت
اذا حبت حطت رجلها ويا الله دورها تلاقيها يا متكرفسه مع الدرج
والا غاطسه في بالقدر اوصحن حتى الكاس مايسلم لو بخشمها والا شايفه لها نملة وقاعده وراها تلاحقه..

أما الولد هادي ومطيع وغالب مايحب أن يقعد قعده رومانسيه (رجل على رجل )

رابعا: مرحلة المشي


هذي اخطر مرحله توصلها البنت وانصحكم ماتخلونها تذهب الى البقاله
او محل الالعاب لان هذي الاشياء
تنمي لدى البنت حب التسوق والله يعينك اذا ماجبت لها الي تبي ..
انت جرب وخلها تروح معك للبقاله مرة وشف وش بتسوي لك اذا
بغت تشتري حلاوة او لعبه ومارضيت توديها >>>>>>>> صدقني تكرهك بحياتك
ولاتدري هي تبي الحلاوة ولا العبه

أما الولد طبعا هادي ولو صاحب أصحاب السوء يتصرف بأدب أو يكون عبيط بأدب

خامسا: مرحلة دخول المدرسة


المرحلة هذي خطيرة جدا ... صحيح البنت تروح للمدرسه تتعلم القراءه والكتابه
لكن فيه اشياء أخرى بعد تعلمها
مع القراءه والكتابه راح تسألوني وشي وكيف أنا اقول لكم..............؟؟؟
البنت تروح للمدرسه ولازم انها تختلط بالبنات وبعدها تجي البنت الثانيه
رابطه بكله ورديه لازم البنت تقلد زميلتها وتزعجك اليييييييييين تشتري
لها مثل خويتها بالمدرسه يعني من هذي المرحله تبدا تقلد البنات لا وكل شي تصير تبيه
وتبدى تطلب طلبات غريبه الي يدرسون بالجامعه ماطلبوها
لـسا هذا وهي باول سنه وقاعده تقلد ماوصلنا طبعالتقليد الفنانات وغيرهن وتتبع الموضه اقعدبهاااا..

الولد طبعا هادي ولو صاحب اصحاب السوء يتصرف بأدب ويكون عبيط بأدب


سادسا: مرحلة المراهقه


وهذي المرحلة تبدأ دلاخة البنت.... مادري ليش اي بنت توصل لمرحلة المراهقه
تصير دلخه ومخها يكون ضعيف افهمكم كيف ؟؟؟؟؟
البنت حساسه جدا في جسمها وفي مشاعرها..
يعني لوينكسر كعبها تلقاها تطيح و تتكسر وتبدى تصيح
وايضا لو قلت لها كلمه قويه شوي ولو كانت بسيطه
او حتى مو قصدك تجرحها
البنت ماعندها تفاهم على طوووول تزعل ..
أما الدلاخه في انها تصدق اللي يمدحها او يتغزل بها
البنت تصدق على طول ( انتي احلا وحده بالعالم .احبك حتى المووووووت .مافيه احلا من عيونك )


لاداعي الكلام الان عن الولد فهو اصبح مسؤولا عن نفسه ويعتمد عليه....


سابعا: مرحلة العشرينات ( الشباب)


المرحلة هذي مرحله حلوه مرة للبنت لانها في المرحله تبدا تحاول تعدل من اوضاعها
وتصير راكده وتبدأ تعقل شوي
شوي .... بس المشكله فييييين ؟؟؟؟؟
إنه المرحله هذي تعرفون البنت يكثر خطابهايعني مضطره
انها تـتكشخ بكل عزومه او مناسبه والازم أمها توديها
معها لاي مكاان تروح على شان تقول عندي بنت اللي يبي يخطب
لولده ترى هذي بنتي وتلقا ها (مكحله براطمها . وحاطه روج بعيونه .ومحلقه رموشها . وغير وغير....)

البنت اذا انحرفت في المرحلة هذي تنحرف بعنف والى الهاوية واذا التزمت بشده (ياسلام ربك الهادي ).........
وايضا في هذي المرحلة تظهر مواهب البنات
اللي تخيط وتطريز
والا فنانه في تفريك الصحون
والامحترفه في كنس البيت
والااختصاصها غسيل وكوي يعني مواهب حلوووووه ......
بس للاسف الشديد على ماعتقد ان مافي بنت الان في عصرنا
هذا تتوفر لديها هذه المواهب !
طبعا في هذي المرحله يبدى تقليد الفنانات ..(انا عيوني تشبه اليسا .وجهي زي نوال. وفمي مثل ديانا.
وخشمي مثل نانسي. وخصري مثل هيفا . حرام عليكي قص ولزق )
وتشوفها اذا مشت تقعد تغني وأكبر امنياتها المشاركه في استار اكادمي ... طبعا تتحلام بس بعيد عن شواربها

لاداعي للكلام عن الولد فهو اصبح الان مسؤولا عن نفسه ويعتمد عليه....

ثامنا: مرحلة الزواج


وهذي المرحلة بداية تعاسة الرجل .... ماتجي المصايب
الا من هذي المرحلة ********** يدخل البيت تستقبله الحرمة
بريحة بصل أو ثوم او بيديها صابون توها طالعه من المطبخ
والا تستقبله وهي تزعق عليه
وبذيك الورقه اللي مكتوب فيها
( بصل .. خيار .. طماطم.. شامبو ضد القمل..الخ) >>>>>
وبعده تقول (حبيبي الله يخليك لنا)هذا كله تمهيد جب لي الي مكتوب خلف الورقه
( مجلة سيدتي.. خاتم ذهب
شنطه جلد سحليه .. تغييرات اثاث البيت.. روح للمشغل
طلع فستاني .. ولاتنسى تمر الصراف تجيب لي الف ريال ابي أروح السوق
بعد كل هالطلبات وبتروح السوق......



تاسعا : مرحلة الامومه



في هذي المرحلة تبدأ المشاكل بين الزوجين..
يعني الرجال اللي عنده عيال كثير هذا اقف له
وقفة احترام وتقدير لانه صابر على زوجته ..
في المرحلة هذي تلاقي الرجال يحاول يهرب من البيت كثير
ولكن وين ينحاش الحرمه وراه وراه والله تطلعه من تحت الارض وين مايروح تلاقيه ....
اذا جلس الابو في البيت تلاقي وجهه احمرررررررررر
من الصراخ على البزارين واذا طلع من البيت ينشرح صدره ويرتاح ...
لاحظوا ابائكم اذا هم في المجلس كيف تكون نفسيتهم اكيد زفت .....
مثلا الاب يجلس مع حرمته ويجيك ولده الصغير يلعب بالكورة ويشوته على راسه بالكورة
وينكب عليه الشاي والاب معصب والام تقول
ماعليه توه صغيرخله***** (احر ماعنده ابرد ماعندها )
واذا كان يبي يسولف معها يلاقيها متعلقه بسماعة التلفوون
ومعها كيس فصفص وتقشم على براطمها وتملا الصاله قشام
واذا خلصت الرجال يبي يكلمها

وهي تقول ابي اكنس الصاله >>>>> لاحول ولا قوة الا بالله

طبعا اذا خرفة وكبرت بسن حدث ولا حرج

(ابي جفنشي .ابي فستان عرسي .ابي سيارة.ابي نظاره .ابي ولد.ابى ماء.ابي اروح السوق ولاعرس

ابي روج .ابي مسكره . وكل شي تصير تبه ) الله يكووووووون بالعون

الظاهر كل بنات المنتدى بيزعلن مني
بس شسوي قريته و عيبني ...

هههههههه هههههههههههههههه

موضوووووووووووع رووووووووووعة وصريح

يعطيك العافية

يسلموووووووو ع المرور
ولا شكر على واجب
تـ ح ــياتي

يسلمووووووووو

يسلموووووووو ع المرور العطر
تـ ح ـــياتي

صراحه قاعده اقراه وانا اضحك ضحك مابعده ضحك بس صراحه هذا هو الواقع

العفو

صريحه مررررررررره

صريحه مررررررررره

اوررررررررريك الشغل يا بنت الذين امنو وكملو وعملو الصالحات وتواصوا بالحق وتواصوا بالصبر بس فيه بنوتات مثلنا شاطرات وتراي اربع وعشرين ساعه ابلش امي اني اطبخ تراي انصب بس اعرف افقس البيض واغسل الصحون شفتوا السنعه بس فيه بنات سنعات وفيه بنات يلضون بالي امره الله وفيه بنات يقلدون الكافرات العاريات الذين يتصفون بما نهى عنه الإسلام مثل الذي يسمونه الموضه والماركات ويبلشون اهلهم يمه ابي بيربري يمه ابي قوتشي وغير ذلك بس تراي اتكلم جد معليش سويت موضوع مب رد هههههههههههههههههههههههه

حلو كلامك لكن مو معنى ان الي تقول لمها ابي قوتشي ولا بيربري كافره لا عاريه الاسلام حرم لبس العاري ولم يحرم لبس الماركه>>>>>>>>>>>> لاتزعلين مني لكن حبيبتي مرره ثانيه تاكدي من الحكم الي تقولينه وجيبي معه دليل لان بعض الناس يسكتون ولا يصححون معلومتك فا تروحين انتي وتقولين هذا الكلام للبنات وكل وحده تقول لثانيه >>>>>>>>>>>>> تحياتي فجــــــ العيدــــــــر

افاا افاا يالمو مايصلح كذا حنا كاسيات عاريات كافرات بالعكس حنا بنات مسلمات مؤمنات اتمنى انك تتقبلين نصيحتي انا واختي فجر العيد